Mannabreytingar eru hjá félaginu og hefur Benóný Harðarson tekið við sem íþróttafulltrúi, einnig höfum við fengið nýja þjálfara og enn er verið að leita að þjálfara í frjálsar.

Stjórn Ungmennafélagsins starfar óbreytt fram að aðalfundi en þá láta formaður, varaformaður og gjaldkeri af störfum. Viljum við hvetja alla þá sem vilja taka þátt og móta  frábært starf á Kjalarnesi að mæta  og bjóða sig fram.

Skráning: Iðkendur skrá sig á þau námskeið sem þeir ætla að æfa að vori og gildir það fyrir haust- og vorönn. Skráning fer fram á vef félagsins.

Verð: Aðeins er innheimt eitt gjald fyrir hvert barn hjá Ungmennafélagi Kjalnesinga og hægt að taka þátt í öllum þeim íþróttagreinum sem í boði eru fyrir þann aldurshóp. Æfingagjaldið er kr. 17.500 á önn, kr. 35.000 á ári, innheimt tvisvar á ári – fyrir haustönn og fyrir vorönn.

Æfingagjöldin verða innheimt í gegnum Rafræna Reykjavík og/eða heimabanka.

Athugið að eftirfarandi fellur ekki undir þetta:

• Námskeið sem eru auglýst sérstaklega
• Sumarnámskeið UMFK

Sjá nánar um verðskrá og skilmála hér á heimasíðunni.

Jólabingó verður á sínum stað og viljum við hvetja alla sem vilja leggja okkur lið og gefa vinninga að hafa samband við okkur í gengum tölvupóst [email protected] eða í skilaboðum á Facebook.

Eftirfarandi námskeið verða í vetur, jafnframt er verið að vinna að því að fá fleiri þjálfara og verða þau námskeið auglýst síðar.

Aldur: 1. -4. bekkur.

Íþróttafjör er í samstarfi við Klébergsskóla. Æfingar eru á skólatíma 11:15 -12:15.

Markmiðið er að bjóða upp á fjölbreytta hreifingu á skólatíma, þannig er skóladagurinn botinn upp. Ánægja hefur verið með þetta fyrirkomulag síðustu árin. Þeir nemendur sem ekki eru skráðir í íþróttafjör  fara í Kátakot (frístund) á sama tíma.

Þriðjudaga 15:45-16:45 og fimmtudaga 16:10-17:10.

Átta vikna námskeið verður fyrir fullorðna hefst þriðjudaginn 5. september og lýkur 24. október. Farið verður yfir undirstöðuatriði í sundi ásamt því að kenna skriðsund. Þjálfi leggur áhersu á einstaklingmiðaða þjálfun.

Æfingar verða á þriðjudögum kl. 17:30-18:30.

Lágmarksþáttaka er átta manns. Verð kr. 15.000.

Fæst niðurgreitt af flestum stéttarfélögum.

Skráning er á heimasíðu UMFK og reikningur kemur í heimabanka.

Aldur: 5. – 10. bekkur.

Þjálfari: Forgacs Balint Csanad

Æfingar verða í Klébergsskóla tvisvar í viku á mánudögum kl. 17.00-18.00 og á fimmtudögum kl. 15.00-16.00.

Markmiðið að nemendur læri undirstöðuatriði í borðtennis og getir jafnvel keppt sín á milli.

Alla laugardaga frá kl 11.00 – 12.00 er íþróttasalurinn opinn fyrir fjölskyldur. Börn verða að vera í fylgd með fullorðnum og bera forráðamenn ábyrgð á því að gengið sé frá öllu á sinn stað.

Berum virðingu fyrir því að í salnum eru margir iðkendur og mikilvægt að tæki séu á sínum stað og því er mjög mikilvægt að allir gangi frá eftir sig og setji tæki á rétta staði.